नुकतीच उगवलेली चंद्रकोर बघितलीस तू? जरा लालसर झाक आहे तिला..जणू तारूण्याने रसरसलेल्या, प्रणयासाठी आसुसलेल्या कोवळ्या सखीच्या डोळ्यात असलेला मादकपणाच..पण थोड्या वेळातच हा रंग बदलेल आणि शुभ्र झळाळी ल्यालेली ती चंद्रकोर आकाशामधे चमकत राहिल..असंच काहीसं होतं जेंव्हा तुला भेटायची आस असते..तू भेटणार ह्या विचारानेच माझं तारुण्य फुलून येतं आणि तु मिठीत घेतल्यावर सगळा बहर रिता होतो पण मी मात्र समाधानाने ओतप्रोत भरून पावते..
No comments:
Post a Comment