पण, वाचायला सुरूवात केली आणि क्षणभर धक्काच बसला.प्रत्येक लेख एक एक प्रखर विचार घेऊन उभा राहतो.रोजच्या धकाधकीमधे आपल्या आजूबाजूला घडणा-या घटना आपल्याला दिसतात तरी का हा प्रश्न विचार करायला भाग पाडतो.साध्या-सोप्या भाषेतून आपल्या समाजाचं भयानक चित्र विशेषतः स्त्रीयांबाबातचं मांडलं आहे.
अगदी दीड पानी आहे प्रत्येक लेख पण वाचल्यावर सुन्न व्हायला होतं.
तासाभरात वाचून झाल्यावर वाटलं पुस्तकाला नाव अगदी योग्य दिलं आहे.आज आपल्यापैकी बरेच जण डोळ्यांवर, मनावर मेकअप करून फिरतोय जणू काही जे खरंखुरं क्वचित बेढब असं सत्य आहे ते आपल्याला दिसू नये जाणवू नये.त्यामुळेच की काय जाणिवांवरचा हा मेकअपचा मुलामा उतरवून सत्याला सामोरं जाण्याचं धाडस आपल्यात आहे का असा प्रश्न तरळत राहतो..
No comments:
Post a Comment